Կառավարության դիմաց Վարդաշենի վթարային շենքերի բնակիչները բողոքի ակցիա են անցկացնում՝ պահանջելով լուծել իրենց բնակարանների խնդիրը։ Ակցիայի ժամանակ իրավիճակը լարվեց և ոստիկանները բերման ենթարկեցին ակցիայի մասնակիցներից մեկին։
«Հիվանդ տղա ա, մի արեք, մի տարեք», «Տանելու եք ի՞նչ անեք, հիվանդ տղա ա, հանցագործ չի»,- միջամտեցին ակցիայի մասնակիցները։
«Հասկացանք, բան չեն անում, նստեցնում են ավտոն», «Որ հվանդ ա պիտի ոստիկանին խփի՞»,- պատասխանեցին ոստիկանները։

***

«Իմ երեխուն եմ պահանջում, ես գիտեմ՝ իրեն էնտեղ ծեծելու են»,- Կառավարության դիմաց ասաց վարդաշենցիների բողոքի ակցիայի ժամանակ ոստիկանության կողմից տարված տղայի մայրը: Նա հայտնեց, որ իր տղան 41 տարեկան է, 10 տարեկանից հիվանդ է: «Էպիլեպսիայով հիվանդ է, երկրորդ խմբի հաշմանդամ ու անգործունակ, ես իր խնամակալն եմ: Ոստիկաններին խնդրեցի թույլ տալ ճանապարհն անցնել, թույլ չտվեցին, ինքն էլ բարկացավ ու խփեց»,-հավելեց նա :

***

Վարդաշենցիների ակցիայի ժամանակ բերման ենթարկված տղամարդը ձերբակալվել է, Asekose–ին հայտնեցին ՆԳՆ ոստիկանությունից։

«Ակցիայի ժամանակ տղամարդը հարվածել է ոստիկանին, ինչը հստակ երևում է նաև ԶԼՄ–ների տեսանյութերում։ Տղամարդը ձերբակալվել է և տեղափոխվել ոստիկանության համայնքային բաժին»,–ասացին ոստիկանությունից։