Քանի օր է` ԿԳՄՍՆ-ն փորձում է դուրս գալ ձախողված անգլերենի քննության տակից։ Ամեն օր մի բան հորինելով, ծնողների հարցումներին լղոզված պատասխաններ տալով՝ փորձում են շտկել իրավիճակը, այս մասին գրել է «Մեր ձևով» շարժման անդամ Գոհար Ղումաշյանը։
«Սկզբում հայտարարեցին, որ կրկին քննություն կանցկացնեն նրանց համար, ում թեստը սխալ էր։ Հետո դիմորդները բողոքեցին, որ իրենք էլ չեն կենտրոնացել աղմուկի ու իրարանցման պատճառով։ Հիմա էլ բոլորի համար են դրել քննություն, բայց պահպանելու են այն գնահատականը, որը ստացել են հունվարի 31-ի քննությանը։ Եթե դիմորդը ցածր ստանա, կհաշվեն նախորդ բարձր գնահատականը։
Մի խոսքով՝ տուն-տունիկ կամ տուդա-սյուդա։
ԳԹԿ-ն 30 տարի կազմում է թեստեր, բայց պարզունակ անգլերենի թեստ կազմել չկարողացավ։ Ու այս կազմակերպչական թիմով ակադեմիական քաղաք են կառուցում։
Դուք պատկերացնու՞մ եք, այդ քաղաքը ինչպես են կառուցելու։ Միլիոններ պահանջող քաղաքը այս մարդիկ են կառուցում։ Գու՞ցե թեստ գրել սովորեք»,- նշել է նա։
