Սոնա Աղեկյանի ֆեյսբուքյան գրառումը՝ կից տեսանյութով. Կադրերը՝ դիտեք այս հղումով
Նախորդ գիշեր 2 ստահակ մտել են «Մայր Հայաստան» խմբակցության ավագանու անդամ Սարգիս Տեր-Եսայանի տուն, բարեբախտաբար, սև գործը կանխվել է։
Սրանց ծնողներն ու երեխաները պետք է մերժվեն նորմալ հասարակությունում։ Այս նողկալի արարածների դեմքը իրավապահ մարմինները պետք է ի ցույց դնեն, որպես մարդասպանների՝ անկախ այն հանգամանքից պատվեր էին կատարում, թե՝ ինչ նպատակ էին հետապնդում։
Էլ ո՞նց է լինում մարդասպանը՝ դանակներով զինված, ձեռնոցներով, դեմքերը փակ 2-ով մտել են մարդու սեփականություն, այսինքն պատրաստված են, որ սպանեն ու թալանեն, վերացնեն հետքերը։ Ուսապարկում ևս առարկաներ ունեն։
Գրեթե ամեն ինչ արված է, իրավապահ մարմիններին մնում է այս մարդասպանների դեմքերը բացեն՝ երկուսն էլ հստակ առանձնանում են և շատ ճանաչելի կլինեն մասնագետների համար։ Պահանջում ենք արագ բացահայտում, դեռ չգիտենք ի՞նչ էր ուզածները՝ վառել մեքենաները, ինչպես նույն խմբակցության ավագսնու անդամ՝ Գևորգ Ստեփանյանի մեքենան տան բակում այրեցին, թե՝ սպանել։
