Դոնալդ Թրամփը ԱՄՆ արդարադատության նախարարությանն առընթեր օտարերկրյա հայցադիմումների հանձնաժողովի հանձնակատարի պաշտոնում է առաջադրել ազգությամբ հայ Պատրիկ Հովակիմյանի թեկնածությունը:

Սպիտակ տան պաշտոնական կայքէջից տեղեկանում ենք, որ Սենատում կքննարկվի Հովակիմյանի թեկնածությունը, և հավանություն ստանալու դեպքում՝ նա հանձնաժողովի հանձնակատարը կլինի մինչեւ 2020 թվականի սեպտեմբերի 30-ը:

Նշենք, որ Հովակիմյանը Սթենֆորդում իրավաբանության դոկտորի աստիճան է ստացել և աշխատել է ԱՄՆ վերաքննիչ դատարանում: