Տոկիոյում 2020 թվականի ամառային Օլիմպիական եւ Պարալիմպիական խաղերի ժամանակ կկիրառվի մարզիկների, պաշտոնյաների, լրագրողների եւ կամավորների դեմքերի ճանաչման համակարգը, հայտնում է Kyodo-ն:
Այն դեմքը կսքանավորի եւ կհամեմատի անցաթղթի վրայի պատկերի հետ:
Անձի նման նույնականացումը առաջին անգամ զանգվածաբար կկիրառվի Օլիմպիադայում: Սա ուղղված է ոչ միայն ուրիշի անցաթղթերի օգտագործման կանխմանը, այլեւ ընդհանրապես անվտանգության մեծացմանը եւ ահաբեկչական ակտերի կանխմանը:
Ամառային Օլիմպիական խաղերը Տոկիոյում կանցկացվեն 2020 թվականի հուլիսի 24-ից օգոստոսի 9-ը:
