Գյումրիի ավագանու անդամ Ռուբեն Մխիթարյանի ֆեյսբուքյան գրառումը. «Այսօր քաղաքացի Փաշինյանի ՄԵԾ ՍՏԻ օրն է:
Թե ո՞ր երկրի քաղաքացի Փաշինյանի օրն է, դա այդքան էլ էական չէ: Էական է, որ քաղաքացի Փաշինյանը այս երկրի քաղաքացի չէ, քանզի իր համար այս երկիրը չկար, այս երկիրը իր պատկերացրած «Իրականը» չէր:
Այն չկար, քանի որ կար Արցախը: Այն չկար, քանի որ կար Սփյուռքը: Այն չկար, քանի որ կար ՀԱՊԿ-ը: Այն չկար, քանի որ կար Հայոց Ցեղասպանությունը, որը կար, որովհետև կային «մեծ գերտերությունների խարդավանքները», իսկ «խեղճ թուրքերն ի՞նչ անեին, ուզած չուզած» միլիոն ու կես հայ կոտորեցին, որոնց «ռուսները գցեցին իրենց գրպանը»: Այն չկար, որովհետև «նախկինները, թալանը, կոռուպցիան, անարդարությունը, մարդասպանությունները, ղարաբաղյան կլանը, լապատկով կռվող անտռուսիկմայկա զինվորները, Կաթողիկոսը, Սերժը, Ռոբերտը, Լևոնը, Վազգենը, Դեմիրճյանը, Քաջազնունին, Վարդան Մամիկոնյանը, Տրդատը, Տիգրան Մեծը, Հայկ Նահապետը, Ադամը, դինոզավռերը, մեծ պայթյունը...»:
Այսօր քաղաքացի Փաշինյանի ՄԵԾ ՍՏԻ օրն է: Այն սկսվեց խորովածով և շարունակվեց քելեխի սեղաններով»։

***

Կարդացեք նաև՝ կինոռեժիսոր Արշակ Զաքարյանի ֆեյսբուքյան գրառումը. «Այս օրը Հայոց պատմության մեջ կմնա որպես ամենատխրահռչակ օրերից մեկը: Այս օրը, 8 տարի առաջ «ստորագրվեց» Հայոց Արցախի և մի քանի Հայ սերունդների «առ ու վաճառքի պայմանագիրը… Այս օրը 2020 թվականի Նոյեմբերի կապիտուլյացիայի պայմանագրի նախաստորագրությունը դրվեց` ոչ պակաս կապիտուլյացիայով: Այս օրը շատերը ամլիկ գառան նման ուրախացել էին ժպտերես նոր «տիրոջ շքեղ մեքենայով» տեղ գնալուց՝ առանց գիտակցելու, որ հենց նոր իրենց ծախեցին որպես մատաղացու և որ իրենց մորթողը այս օրը խորովածով է նշելու մինչ իր դատաստանի առաջ կանգնելու բաղձալի օրվան հասնելը»։