Ռուսաստանի արտաքին գործերի նախարարությունը հաստատեց` Մոսկվան չի բանակցում Երևանի հետ հայկական երկաթուղու կոնցեսիոն իրավունքը Ղազախստանին փոխանցելու վերաբերյալ։
«2008 թվականին ստորագրված կոնցեսիոն պայմանագիրը նախատեսված է 30 տարով՝ ևս 10 տարի երկարաձգման հնարավորությամբ: Տարիներ շարունակ «Հարավկովկասյան երկաթուղիներ» (ՀԿԵ) ընկերությունը պատասխանատու կերպով կատարել է այս պայմանագրի պայմանները»,- ասաց ՌԴ ԱԳՆ ներկայացուցիչ Մարիա Զախարովան՝ պատասխանելով ԱրմենիաSputnik-ի հարցին:
