Ընտանեկան բռնության նոր, այս անգամ՝ դիտավորությամբ առողջությանը ծանր վնաս պատճառելու միջադեպ է գրանցվել Լոռու մարզում:
Մեծավան գյուղում ամուսինը դանակահարել է կնոջը՝ միս կտրելու դանակով։
Ամուսինն իր առանձնատան խոհանոցում դանակով միս կտրելու ժամանակ կնոջը մեղադրել է իր և քույրերի միջև ստեղծված լարված հարաբերությունների մեջ, հայհոյել։ Դանակի հարվածը հասցվել է կնոջ կրծքավանդակի ձախ կեսի շրջանին` դիտավորությամբ նրա առողջությանը պատճառելով ծանր վնաս, կյանքին վտանգ սպառնացող:
Կինը տեղափոխվել է բժշկական կենտրոն եւ նրա մոտ աշտորոշվել է կրծքավանդակի ձախ կեսի ծակած-կտրած թափանցող վերք` ձախակողմյան պնևմոհեմոթորաքսի և 2-րդ աստիճանի տրավմատիկ շոկի զարգացմամբ:
Ամուսինը կալանավորվել է։
Նյութի աղբյուրը` «Փաստինֆո»
