Սեպտեմբերի 14-ին, ժամը 17.39-ին ԱԻՆ տեղեկատվություն է ստացվել, Ջրվեժ-Աբովյան ավտոճանապարհին՝ արհեստական լճի մոտակայքում, նկատվել է ականանման առարկա. անհրաժեշտ է օգնություն:
Դեպքի վայր է մեկնել փրկարարական ջոկատը, ինչպես նաև դեպքի վայր է ժամանել ինժեներական վարչության ՕՀ փոխգնդապետը:
Փրկարարները ջրից դուրս են բերել անհայտ տիպի ական (գտնվում էր մարտական վիճակում):
Ինժեներական ծառայության կողմից որոշում է կայացվել ականը վնասազերծել առավոտյան. ոստիկանության աշխատակիցները սահմանել են հերթապահություն: