Մայիսի 2-ին, ժամը 20.55-ին ԱԻՆ ահազանգ է ստացվել, որ հաշմանդամություն ունեցող քաղաքացին՝ 1954 թ. ծնված Լևոն Պապոյանը, գտնվելով ալկոհոլի ազդեցության տակ, իր անվասայլակով հայտնվել է Հաղթանակի կամրջի երթևեկելի հատվածում. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ քաղաքացին հաշվառված է Հաղթանակ գյուղում գտնվող տուն-ինտերնատում:
Դեպքի վայր է ժամանել շտապօգնության բրիգադը: Հրշեջ-փրկարարները Լ. Պապոյանին մոտեցրել են շտապօգնության մեքենային. վերջինիս տեղափոխել են տուն-ինտերնատ:
