«Եթե բարի, հարգված մարդ է, մենթերով ինչի կմտնի եկեղեցի», «Առճակատման միակ նպատակը հայկական եկեղեցիները փակելն է, Փաշազադեին ենթարկեցնելը», «Նիկոլը գործում է ադրբեջանական սցենարով», «Սրբազաններին կալանավորելը հուսահատեցնում է, բայց չպետք է հուսահատվել, պետք է պայքարել»,- «Նյուզ»-ի եթերում ասել են գյումրեցիները՝ անդրադառնալով իշխանությունների՝ եկեղեցու դեմ արշավի մասին թեմային։

«Հավատո՞ւմ եք խաղաղությանը․ Փաշինյանը կարո՞ղ է իրական խաղաղություն բերել» «Նյուզ»-ի հարցին՝ Տաշիրի բնակիչներից մեկն ասում է․ «Ո՛չ։ Չեմ հավատում։ Ի՞նչ խաղաղություն։ Ադրբեջանը կյանքում խաղաղություն չի թողնի․ մինչև Երևանը չվերցնի, խաղաղություն չի լինի»։ «Ցանկացած պահի Ալիևը կարող է թքել այդ պայմանագրին ու պատերազմ հայտարարել», «Քանի նրա խմբակն է ղեկավարում պետությունը, ոչ մի խաղաղություն չի լինի, էդ առաջին, երկրորդ, թուրքի հետ խաղաղություն չի լինի»,- հավելում են մյուսները։