«Երբ ասում են Անգլիայի թագուհի, պատկերացում չունեն, թե նա Միացյալ թագավորության ընդհանուր գոյության և նրա սիմվոլիզմի մեջ ի՞նչ յուրահատուկ դեր ունի: Կրում է պետականության, պետության, ստեղծած ավանդույթների, ժառանգականության անցման բոլոր էլեմենտները: Եվ, երբ դրա անունը տալիս են, չեն պատկերացնում, թե դրա տակ ի՞նչ կշիռ կա: Շատ ուրախ եմ, որ նոր նախագահն իր ելույթում անդրադարձավ այդ հիմնարար երևույթներին»,-լրագրողների հետ հանդիպման ժամանակ ասաց ԱԺ պատգամավոր Կարեն Բեքարյանը:
Հիշեցնենք, որ երեկ՝ մարտի 2-ին, Հայաստանի Ազգային ժողովում կազմակերպված քվեարկության արդյունքում ՀՀ 4-րդ նախագահ ընտրվեց Արմեն Սարգսյանը: Փակ գաղտնի քվեարկության արդյունքներով Արմեն Սարգսյանը ստացել է 90 կողմ, 10 դեմ ձայն:
