Այսօր՝ դասադուլի 6-րդ օրը, «Հանուն գիտության զարգացման» նախաձեռնության անդամներից հինգն այսօր Երևանի պետական համալսարանի սոցիոլոգիայի, ինֆորմատիկայի և կիրառական մաթեմատիկայի ֆակուլտետների մասնաշենքի լսարաններից մեկում անժամկետ հացադուլ են հայտարարել։
Ակցիայի համակարգողներից Դավիթ Պետրոսյանը հացադուլի վայրից ֆեյսբուքյան ուղիղ եթերում հայտարարություն է արել՝ մասնավորապես նշելով.
«Յուրաքանչյուր անձ պետք է մտածի, որ կարող ենք ազդել տեղի ունեցողի վրա։ Չփորձեք լսարանի դուռը կոտրել, իրավիճակը լարել եւ սադրանքների գնալ»:
