Դեռևս դեկտեմբերի 30-ին Asekose.am-ը գրել էր, որ Աշոտ Մանուկյանը հրաժարական է տվել ՀՀ էներգետիկայի և բնական պաշարների նախարարի պաշտոնից, որի մասին կհայտարարվի ամանորյա տոներից հետո:
Այսօր այս լուրը հաստատել է նախարարի մամուլի խոսնակ Վասակ Թարփոշյանը, ով միաժամանակ նշել է, որ չնայած հրաժարականի դիմումին՝ Աշոտ Մանուկյանը շարունակում է աշխատել և այսօր էլ աշխատանքային հանդիպում է ունեցել:
Մեր ունեցած տեղեկությունների համաձայն, Աշոտ Մանուկյանը վերադառնալու է էներգետիկ բնագավառի մասնավոր սեկտոր, որտեղ միշտ հաջող գործունեություն է ծավալել:
Ըստ ասեկոսեների, նախարարի հավանական թեկնածուն ՀՀ էներգետիկայի և բնական պաշարների նախարարի տեղակալ Հայկ Հարությունյանն է, որը վարչապետ Կարեն Կարապետյանի փեսան է:
