Արդեն 30 րոպեից ավելի է, Երևան-Սևան ավտոճանապարհի Գագարին ավանի վարչական տարածքում երթևեկությունը երկկողմանի դադարեցվել է։

Ինչպես  հայտնում է shamshyan.com-ը, Գագարին ավանի բնակչները՝ ի նշան բողոքի, փակել են ճանապարհը և սպառնում են նույնիսկ ինքնահրկիզվել։ Նրանք պահանջում են արդարադատության նախարարի պաշտոնակատար Արտակ Զեյնալյանի հետ հանդիպում, քանի որ բողոքում են Ոստիկանությունից և քննչական ապարատից։ Այս պահին նշված վայր են ժամանել մեծ թվով ոստիկանության ծառայողներ՝ Գեղարքունիքի մարզային վարչությունից և Սևանի բաժնից:

Ըստ տեղեկությունների՝ ճանապարհը փակել են 2 կալանավոր անձանց հարազատները և այդ կալանավորվածները մեղադրվում են մի քանի բնակարանային գողություններ կատարելու մեջ։

Նյութը՝սկզբնաղբյուր կայքում