«Սկզբից պետք է գնահատեք, թե որ մասն է առևտրային: Ես հիմա չէի ուզենա այս նախագծի քննարկումը վերածել կառուցվածքային փոփոխությունների օրակարգի», - ասել է Ջանջուղազյանն ու նշել, որ նախարարությունը, հավանաբար, նախահաշիվ է հաստատել, որով պատվիրակել է, որ ՊՈԱԿ-ը գործառույթներ իրականացնի.  «Եթե նախահաշիվ եք հաստատել, նախահաշվի վերաբերյալ պետք է հաշվետվություն պահանջեք, որտեղ պետք է բացահայտվի, թե ինչքան է ձեզ համար ծախսեր իրականացվել»:

 Արսեն Թորոսյանն ասել է, թե ունեն կառավարության որոշում, որտեղ գրված է, որ փոխանցման մեջ բացառություն են ՊՈԱԿ-ները.  «Հիմա մենք որոշում ենք ընդունում, որտեղ գրում ենք, որ ՊՈԱԿ-ներն էլ պետք է փոխանցեն»:

«Չէ, դրանք բոլորովին տարբեր բաներ են, պարոն Թորոսյան, խոսքը վերաբերում է պայմանագրային հարաբերությանը, իսկ այն, ինչ նշված է, վերաբերում է պետական հիմնարկների մնացորդին, որը ՊՈԱԿ-ների, հիմնադրամների վրա չի տարածվում, որի համաձայն՝ մնացորդը պետք է վերականգնվի», - պատասխանել է Ֆինանսների նախարարի պաշտոնակատարը:

Առաջին փոխվարչապետի պաշտոնակատար Արարատ Միրզոյանն էլ  Արսեն Թորոսյանին ասել , թե մինչ նիստի օրակարգ ներառելը, այս հարցը երկար քննարկվել է ու կարելի էր հարցերը այն ժամանակ բարձրաձայնել:

Քննարկումն՝ ամբողջությամբ՝ տեսանյութում

Կառավարության 2018-ի վերջին նիստն ամբողջությամբ՝ ստորև ներկայացվող տեսանյութում