Միայն Հայաստանում ժանրից :)))

Միայն Հայաստանում է, որ գազի գնի իջեցման արդյունքում գազի գինը չի իջնում:

Միայն Հայաստանում է, որ օտարկերացիների այցի շնորհիվ պատկան կառույցները մի քանի օրում կարող են կատարել տասնամյակներում չարածը /նման դեպքերում են ասում, որ օտարերկրյա ներդրումները ոչ միայն ֆինանսների, այլև ԱՅՑԻ տեսքով են լինում/

Միայն Հայաստանում է, որ շատերը պետությունը սիրում են ոչ թե սրտով, այլ նստատեղով: Այլ կերպ՝ պետականասիրությունը աթոռասիրության զույգ եղբայրն է:

Միայն Հայաստանում է, որ ընտրություններից առաջ դրախտ են խոստանում, բայց այդուհետ մխիթարում դժոխքից խուսափելու մտքով:

Միայն Հայաստանում է, որ իշխանությունն իր դիրքերը հաճախ ամրապնդում է ընդդիմության թերությունների, այլ ոչ իր "դարակազմիկ" ձեռքբերումների շնորհիվ:

Միայն Հայաստանում է, որ ընդդիմադիրներից շատերն իրենց գոյությունը պահպանում են իշխանությունների թերությունների, այլ ոչ իրենց արժանիքների շնորհիվ:

Միայն Հայաստանում է, որ խոսում են հիմնախնդիրների լուծման մասին՝ մոռանալով, որ պրոբլեմները խոսելով չեն լուծվում:

Արմեն Սարգսյան