Ուսումնասիրելով Սերգեյ Նիգոյանի «В контакте» սոցիալական կայքի էջը` եկա եզրակացության, որ նա Եվրամայդան է դուրս եկել հունվարի յոթին: Հենց այդ օրն է նա տեղադրել իր առաջին լուսանկարը` որտեղ նա կանգնած է բարիկադների վերևում: Իսկ դրանից հետո արդեն նրա էջում այլևս գրառումներ ու նկարներ չկան ... Հունվարի 22-ի առավոտը վերջինն էր Նիգոյանի համար: Վաղ առավոտյան անհայտ անձի երկու կրակոցից` մեկը վզի հատվածում, մյուսը գլխի`ընկավ հայորդին ... Ափսոսանքի ու ցավի մասին խոսելն անիմաստ է`քանզի նայելով երիտասարդի այդքան քիչ ապրած տարիներին մարդու լեզուն անկարող է լինում որևէ բառ արտասանել: Նրան գովերգող, նրա ընտանիքից շնորհակալություն հայտնողները շատ են`տարբեր ազգուցյունների պատկանող մարդիկ: Բայց այս ամենի ֆոնին կան նաև ստահակների մի խումբ որոնք Նիգոյանին անվանել են տեռորիստ և լուրեր տարածել թե իբր նա ԱՍԱԼԱ-ի անդամ է: ԱՍԱԼԱՆ չի գործում սկսած 1990 թվականից, իսկ Նիգոյանը ծնվել է 1992 թվականին: Այդ պարզ իսկ պատճառով նա չի կարող լինել այդ կազմակերպության անդամ: Այդ և նմանատիպ լուրեր տարածողները ոչ այլ ինչ են քան սխալ ծննդաբերության արդյունք: Ու այս ամենի ապացույց այդ ստահակների խումբը համարում է Նիգոյանի էջում ԱՍԱԼԱ գրված դրոշը: Եթե ուշադիր հետևենք հայ երիտասարդների կայք-էջերին (հատկապես արտասահմանում բնակվող) ապա մոտ 70%-ի մոտ կան նմանատիպ նկարներ:
Նիգոյանը մի խիզախ հայորդի էր, որ դուրս էր եկել փողոց իր իրավունքին և ձայնին տեր կանգնելու համար: Ցավոք այսօր արդեն նրա մասին անցյալով ենք խոսում, սակայն դա մեզ չի խանգարում հարգել ու վառ պահել նրա անունը: Ես հպարտ եմ, որ քո նման հայրենակից ունեմ ՍԵՐԳԵՅ ՆԻԳՈՅԱՆ...
