Ինձ ցավացնելու՞ համար եք այդ հարցը տալիս. «Ուժեղ Հայաստան» խմբակցության արցախցի պատգամավոր Արեգա Հովսեփյանը այսպես պատասխանեց ՔՊ–ական Արայիկ Հարությունյանի` Պրահայում 2022–ի հոկտեմբերի 6–ին ընդունված համաձայնագրի մասին հարցին, որով Փաշինյանը ճանաչեց Արցախն Ադրբեջանի կազմում։

«Ես ճանաչում եմ իմ հայրենիքը, ես ճանաչում եմ այն ծննդավայրը, որտեղ որ ես մեծացել եմ, որտեղ որ ես ամուսնացել եմ, որտեղ գտնվում են իմ ապուպապերի, իմ հոր գերեզմանը, ես այն երբեք չեմ մոռանալու, ինչպես որ չեն մոռանալու 120 000 արցախցիները»,–ասաց Հովսեփյանը` ուղղելով ՔՊ–ականի «Ղարաբաղ» ասածը «Արցախով»։ Իսկ Արայիկ Հարությունյանը պնդեց` «Ղարաբաղ»։