Երկակի զգացմունք ունեցա, երբ իմացա Մհեր Դավիդյանցի աշխատանքից ազատման մասին. երբ փետրվար-մարտ ամիսներին տրորում, վարկաբեկում, ռեպրեսիաների էին ենթարկում ՁԻԱՀ-ի կենտրոնի անձնակազմին, բժշկական հանրույթը, ներառյալ Նորք ինֆեկցիոն հիվանդանոցի իմ կոլեգաները՝ լռեցին և մենք ունեցանք այն ինչ ունենք՝ փլուզված ՁԻԱՀ-ի կենտրոն և մի քանի տասնյակ գործից ազատված բուժաշխատողներ։ Այս մասին ֆեյսբուքյան իր էջում գրել է բժիշկ-համաճարակաբան Էդուարդ Հովհաննիսյանը։

«Այսօր հերթը հասավ Մհերին և կրկին լռում է բժշկական հանրույթը, ներառյալ Նորք ինֆեկցիոն հիվանդանոցի անձնակազմը։

Բժիշկներ ջան, հույս ունեք, որ անձամբ ձեզ չե՞ն հասնի, անձամբ ձեզ չե՞ն կպնի։ Հույս ունե՞ք, որ չկայացած բժիշկ, բժշկին ատող, մասնագետներից սարսափող և զզվող, Աստծո կողմից բժշկի կոչում ստացած մարդկանց նկատմամբ նախանձից խեղդվող Ա․Թորոսյանը կդադարի՞ իր կործանարար գործունեությունը։

• Հակատուբերկուլոզային դիսպանսերներ,

• Ուռուցքաբանություն,

• ՁԻԱՀ-ի կենտրոն,

• Ծննդատներ,

• Ինֆեկցիոն ծառայություն,

• Մաշկավեներաբանական դիսպանսեր,

• Բազմաթիվ հարգված վաստակավոր բժիշկներ,

Ո՞Վ Է ՀԱՋՈՐԴԸ։

ՀԱՅ ԲԺԻՇԿ, այդ հաջորդը ԴՈՒ՛ էս։

ՁԱՅՆ ՀԱՆԻՐ, ԲԺԻՇԿ, ՔՈ ՍՊԻՏԱԿ ԽԱԼԱԹՒ ՎՐԱ ՈՏՔԵՐ ԵՆ ՍՐԲՈՒՄ», գրել է բժիշկ-համաճարակաբանը։

Կարդացեք նաև՝ Առողջապահության «պատասխանատուն» պիտի ազատվեր համավարակի ընթացքում իր «քաջագործություններից» տեղյակ մարդկանցից

«Նորք» ինֆեկցիոն հիվանդանոցի տնօրենը Թորոսյանի հետ հանդիպումից հետո ազատման դիմում է գրել

Նախարարությունը ցավում է նրա որոշման համար. ԱՆ մամուլի խոսնակը՝ Մհեր Դավիդյանցի հրաժարականի մասին