ԱՄՆ-ում հավանություն է տրվել ԹՐԻՓՓ-ի զարգացման ընկերության հիմնմանը: Այս մասին հայտնում է Հայաստանում ԱՄՆ դեսպանությունը։

«ԱՄՆ Միջազգային զարգացման ֆինանսական կորպորացիայի տնօրենների խորհուրդը հունիսի 3-ին հավանություն է տվել մի շարք նոր ռազմավարական ներդրումների, այդ թվում՝ ԹՐԻՓՓ-ի զարգացման ընկերության հիմնմանը՝ հայ-ամերիկյան համատեղ ձեռնարկություն, որը միտված է աջակցելու առևտրին, փոխադրումներին, տնտեսական զարգացմանը և տարածաշրջանային փոխկապակցվածությանը։
Ըստ Միջազգային զարգացման ֆինանսական կորպորացիայի՝ ընկերությունը կաջակցի առանցքային ենթակառուցվածքային ծրագրերի իրականացմանը, այդ թվում՝ երկաթուղիների, ճանապարհների, խողովակաշարերի, օպտիկամանրաթելային ցանցերի և այլն», - նշվում է հաղորդագրության մեջ։

***

TRIPP երթուղին բացառիկ հնարավորություններ կտա Հայաստանին։ Այս մասին հայտարարել է ԱՄՆ պետքարտուղար Մարկո Ռուբիոն՝ Ներկայացուցիչների պալատի արտաքին գործերի հանձնաժողովում՝ 2027 թվականի ֆինանսական տարվա համար Պետդեպարտամենտի բյուջետային հայտի հայտի քննարկման ժամանակ:

«Հայաստան և Ադրբեջան հակամարտությունն ավարտվել է։ Այն ոչ միայն ավարտվել է, այլ ավարտվել է համաձայնագրով, որի վերաբերյալ ես երեկ ստորագրեցի փոխըմբռնման հուշագիրը (MOU)՝ ստեղծելով նոր բարգավաճման ուղի՝ TRIPP երթուղին, որը երկու երկրներին էլ, հատկապես Հայաստանին, կտա բացառիկ հնարավորություններ՝ միաժամանակ հարգելով նրանց ինքնիշխանությունը, իրապես դրանից օգտվելու համար», - նշել է նա։