Բլոգեր Արմեն Հարեյանը ներկայացրել է Սրբազան Հայաստան ֆեյսբուքյան էջի հայտարարությունը,որտեղ գրված է.
Նեռի նշանը` երեք 6-երը ճակատին դաճած այս կերպարը դեկտեմբերի 19-ին պատրաստվում է իր ներկայությամբ պղծել Երևանը` ելույթ ունենալով Կարեն Դեմիրճյանի անվան մարզահամերգային համալիրում։
Սա նրա երկրորդ փորձն է:
Առաջինը կանխվեց 2022թ. Տիրոջ ողորմությամբ, հավատավոր ժողովրդի աղոթքներով ու հայ գիտակից մարդկանց հակազդեցության շնորհիվ:
Հրաժարվում ենք սատանայից և նրա բոլոր խաբեություններից, նրա պատրանքներից, նրա խորհուրդներից, նրա ընթացքներից, նրա չար կամքից, նրա չար հրեշտակներից, նրա չար ծառաներից, նրա չար կամարարներից և նրա ողջ չար զորությունից․ հրաժարվելով հրաժարվում ենք։
Ազգությամբ բաշկիր Ալիշեր Վալեևն, ով առավել հայտնի է Մորգենշտերն անունով, Ռուսաստանում գործող ռեփեր է, ով ՌԴ ներքին անվտանգության կողմից վտարվեց երկրից:
