ԱՀ Մարտունու շրջանի Ճարտար քաղաքի գերեվարված բնակիչը, որն այսօր էր գերեվարվել ադրբեջանական զինծառայողների կողմից, սպանվել է։

Այս տեղեկությունն այսօր՝ դեկտեմբերի 3-ին, NEWS.am-ին հայտնել է ԱՀ ՄԻՊ Գեղամ Ստեփանյանը։

Նա նշեց, որ դեռեւս մարմինը հակառակորդը չի փոխանցել հայկական կողմին։

ԱՀ ՄԻՊ-ն ասել է, որ իրենց դեռ անհայտ է, թե ինչպես է սպանվել Ճարտարի բնակիչը։

Կայքի տեղեկություններով՝ քաղաքացին գերեվարվել էր իր անասուններին արածեցնելիս, քանի որ տեղանքում մոլորվել է։ Մոտ մեկուկես ամիս առաջ ադրբեջանցիները առեւանգել էին նրա կովերին եւ չէին վերադարձրել։ Մոտ 20 կով մնացել էր ադրբեջանցիների մոտ։