ԹԱԿԱՐԴ

Վերջապես հասկացա, թե ինչու են իշխանությունները հենց Միկոյանի արձանը որոշել տեղադրել:
Ակնհայտ է, որ ժողովրդի մի մասը դեմ է դրան, մի մասը կողմ: Ուրեմն` 

1.տեղադրելուց հետո դեմերը կփորձեն վնասել արձանը, ոստիկանները կպաշտպանեն այն

2.քաշքշոց կլինի, դեմերից բերման կենթարկեն բաժին: Մի երկուսի վրա գործ կսարքեն, կնստացնեն: 

3.ԴԵմերը Ազատության հրապարակում նստացույց կանեն արձանաբանտարկյալներին ազատելու պահանջով: 

4. Ընդդիմությունը մեջ կընկնի, որ ձուկ որսա:

5 Արձանաբանտարկյալների մի մասը ազատ կարձակվի: Դեմերը կցնծան, կոգևորվեն: Կասեն` «Մեր շարքերը խրոխտանում են»:

6 «Կողմ»-երն այդ նույն ժամանակ պատմական երախտագիտական շքերք կանեն արձանի առջև:

7. Դեմերը կգրգռվեն, կգնան, կռիվ կսարքեն:

8. բոլորով կվերադառնան 2 -րդ կետին:

9. կկրկնվեն 3-7 կետերը:

10. ու այսպես շարունակ:

11 իշխանություններն էլ գոհ ու երջանիկ կնայեն այս ամենին, որ ակտիվիստների, ընդդիմադիրների համար անշառ զբաղմունք են ստեղծել:

12.Ու ՀՀԿ-ն կկառավարի մինչև 3000 թիվը: 

13. Միկոյանի արձանն էլ կդրվի այս դիրքով:

Արծրուն Պեպանյան