Քայլեր ենք ձեռնարկելու, որ Սեյրան Օհանյանը երկրից չհեռանա: Այս մասին հրավիրված մամուլի ասուլիսի ժամանակ հայտարարեց Հատուկ քննչական ծառայության պետ Սասուն Խաչատրյանը:
«Սեյրան Օհանյանի մասով առաջադրված մեղադրանք չկա, տակտիկական մասով քննիչն է որոշում, թե երբ առաջադրեն մեղադրանքը, ինչ խափանման միջոց ընտրեն: Այսօր առիթ է մի շարք բացահայտումներ անելու: Մեզ փորձում են կանգնեցնել նախկինում իշխանություն ունեցած անձինք եւ անձինք, որոնք բացահայտվում են կոռուպցիոն սխեմաներում, Մարտի 1-ի հետ առնչություն ունեցած անձինք»,- ասաց Սասուն Խաչատրյանը:
Դիտարկմանը, թե մտավախություն չունեք, որ Սեյրան Օհանյանը ձեզ դատի կտա, Սասուն Խաչատրյանն արձագանքեց. «Եթե դատի կտա, ես էլ կներկայանամ դատարան ու իմ դիրքորոշումը դատարանում կհայտնեմ: Խոսքը վերաբերում է Սեյրան Օհանյանի կողմից այդ երեկո հնչեցրած հայտարարությանը: Այն ժամանակ նա միտք է հնչեցրել, որ բանակը մասնակցելու է այդ արտակարգ ռեժիմի ապահովմանը եւ քաղաքացիների կողմից արտակարգ ռեժիմի կողմից ցանկացած խախտում արժանանալու է համարժեք կոշտ վերաբերմունքի: Սա մենք գնահատում ենք որպես հանցավոր գործունեություն, իսկ երբ մեղադրանք կառաջադրվի, քննիչն է որոշում: Այս պահին Սեյրան Օհանյանն ունի վկայի կարգավիճակ»:
Հիշեցնենք, որ գաղտնալսված ձայնագրության համաձայն՝ Սասուն Խաչատրյանը պաշտպանության նախկին նախարար Սեյրան Օհանյանի վերաբերյալ մասնավորապես ասել է. «Սեյրանին էլ ենք բերելու, որովհետեւ վաբշե ուրիշ այլանդակություն ա արել: Սեյրանի մեղքը գիտե՞ս ինչքան հիմնավոր ա»:
Կարդացեք նաև՝ Արդյո՞ք օրենքը թույլ է տալիս, որ ՀՔԾ պետին կամ ԱԱԾ տնօրենին գաղտնալսեն. Փաշինյան
Նիկոլ Փաշինյանը՝ ԱԱԾ տնօրենին և ՀՔԾ պետին գաղտնալսելու և ձայնագրության վերաբերյալ
ԱԱԾ պետի և ՀՔԾ պետի հեռախոսազրույցը Քոչարյանի, Խաչատուրովի կալանքի մասին գաղտնալսվել է
Ոմանք ուզում են ծլկել, թույլ չեմ տալու... Փաշինյանը՝ սկանդալային ձայնագրության մասին
