Մարտի մեկի քրեական գործով ` <Յոթի Գործ>, որով անցնում էր Շանթ Հարությունյանը, դատարանը նրան անմեղսունակ ճանաչեց և դատարանի դահլիճից նա տեղափոխվեց հոգեբուժարան:
Սա ՀՀ ուժային մարմինների որոշումն է Շանթի վերաբերյալ ու եթե նրանք համարում էին, որ Շանթը հոգեկան հիվանդության ախտանիշներ ունի, էլ ՀՀ ոստիկանությունը ինչ ձևով էր մտածում, որ նրան թույլ էր տալիս մի քանի օր շարունակ <իբր> բռնության կոչեր անել:
Ոստիկանության հիմնական գործառույթը հանցագործության կանխարգելումն է, իսկ եթե ոստիկանությունը սպասում է, որ հանցագործություն կատարվի ու միայն դրանից հետո միջամտի, նշանակում է, ոստիկանությունը քաղաքացիներին պրովոկացիայի է ենթարկում և դրդում է հանցագործության:
Միայն այսօրվա դեպքերը բավական են, որպեսզի այս միջադեպում ներգրավված ոստիկաններն ու ամենակարևորը ոստիկանապետը հեռացվեն աշխատանքից, քանզի նրանց թողտվության պատճառով տուժել են ոչ միայն ոստիկաններ, այլ ավելի քան երեսուն երիտասարդ ենթարկվել է քրեական պատասխանատվության...
