Երեւանում ոստիկանները բերման են ենթարկել ՊԵԿ նախկին նախագահ Գագիկ Խաչատրյանին եւ նրա թիկնազորին։
factor.am-ն է գրում այս մասին ու նշում, որ կայքի տեղեկություններով՝ պատճառը եղել է այն, որ Խաչատրյանը շրջել է թիկնազորի ավտոշարասյունի ուղեկցությամբ։
Տեղեկությունը ճշտելու նպատակով կայքը դիմել է ՀՀ Ոստիկանության լրատվության եւ հասարակայնության հետ կապերի վարչություն, որտեղից տեղեկատվությունը չեն հերքել։ Վարչության պետ Աշոտ Ահարոնյանը պատասխանել է․ «Ոստիկանությունը թիկնազորի հետ կապված գործողություններ միշտ է իրականացնում»։
Հստակեցնող հարցին, իսկ կոնկրետ Գագիկ Խաչատրյանի եւ նրա թիկնազորի նկատմամբ այսօր իրականացվե՞լ է «ասֆալտին փռելու» օպերացիա, Ահարոնյանն արձագանքել է․ «Ես արդեն Ձեր հարցին պատասխանեցի»։
