Այսօր՝ նոյեմբերի 28-ին, ՀՔԾ կազմավորման օրվան նվիրված միջոցառման ժամանակ Հատուկ քննչական ծառայության պետ Սասուն Խաչատրյանն ասաց, որ գեներալ, նախկին պատգամավոր Մանվել Գրիգորյանի գործով կատարվել է 200-ից ավելի հարցաքննություն եւ 70-ից ավելի խուզարկություն։
«Ինչ վերաբերում է Մանվել Գրիգորյանի տարածքում հայտնաբերված անշարժ գույքի փաստաթղթերին, ապա պարզվել է՝ դրանց մի մասը ձեռք է բերվել խախտումներով։ Արդեն իսկ դիմել եմ տարածքային կառավարման եւ զարգացման նախարարին, որ 40 անուն անշարժ գույքը վերադարձվի համայնքին»,- ասաց նա։
Սասուն Խաչատրյանը հայտնեց նաեւ, որ այս գործով գրություններ է ուղարկվել 15 երկիր, իսկ ֆինանսական խախտումները կազմում են 15 մլրդ դրամ։
