Եթե հիմք ենք ընդունում մամուլում տեղ գտած «Հայաստանի թիվ մեկ նեյրովիրաբույժը արտագաղթել է» վերնագրով հոդվածը, որտեղ պարզ ասվում է, որ Հայաստանից արտագաղթել է «Միքայելյան Վիրաբուժության ինստիտուտի» նեյրովիրաբուժության բաժանմունքի վարիչ Անդրոնիկ Քալայջյանը, ապա մնում է միայն բացականչել`-«Հարիր չէ Ձեզ նման արարքը Պ-ն Անդրոնիկ»: Հոդվածում նույնիսկ ասված է, որ արտագաղթելու մասին տեղեկությունները հաստատել է «Միքայելյան Վիրաբուժության ինստիտուտի» փոխտնօրեն Օնիկ Մելքոնյանը։ Նա ասել է, որ հունվարի 5-ին Քալայջյանը Դուբայ է մեկնել մշտական աշխատելու տրամադրությամբ»։
Ինձ մոտ այս ամենի հետ կապված հարցեր առաջացան, որոնք ես կցանկանայի ուղղել Պ-ն Քալայջյանին և այսպես`
• Այդ ինչն էր պակաս Ձեր մոտ, որ թողեցիք այս դժբախտ երկիրը և գնացիք լավ իմանալով, որ ազգի մեծամասնությունը հնարավորություն չունի մեկնել արտասահման բուժվելու.
• Չէ, որ Ձեզ այստեղ Աստվածացնում էին, չէ, որ բազմաթիվ մարդկանց կյանքն եք փրկել, բա ում հույսին եք թողնում նրանց ու գնում…
• Եթե նմանատիպ քայլ աներ անգործ քաղաքացին, որը ոչ մի կերպ աշխատանք չի կարողանում ճարել դա միանշանակ բացատրուն կունենար, իսկ ինչ բացատրություն ունի Ձեր արարքը, չէ, որ փառք Աստծո Դուք հարուստ և կայացած անձ էիք այս երկրում
• Ինքներդ Ձեզ հարց տալի՞ս եք, թե ձեր հիվանդները ինչ են անելու առանց Ձեզ
• Արդյո՞ք մեկնելուց չեք մտածել, թե Ձեր Հայրենիքը Ձեր կարիքը ունի…
