«Յոյսը լո՛յսն է կեանքի»...Այդ յոյսով կը սկսինք մենք մեր կեանքի իւրաքանչիւր օրը, շաբաթն ու տարին. յոյսը՝ անձնական-ընտանեկան-ազգային կեանքի վերիմաստաւորման, վերարժեւորման ու վերանորոգման: Վաղուց ըսուած է, որ չքննարկուած կեանքը արժանի չէ ապրելու. այդպէս է որ կը քննարկենք մեր ըրածն ու չըրածը, կ'անդրադառնանք մեր սխալներուն, կը փորձենք խրատուիլ անոնցմէ...ապա նոր յոյսով կը լեցուինք շարունակելու մեր կեանքի ճամբան՝ նոր աւիւնով, նորոգ տեսլականով, նորոգ արդիւնաւորութեամբ...ՅՈՅՍԸ ԿԵԱՆՔ Է, ՈԳԻ Է, ՅԱՌԱՋԸՆԹԱՑԻ ԿՈՉ Է, ԱՆԴԱԴՐՈՒՄ ՃԻԳ ՈՒ ԱՇԽԱՏԱՆՔ Է, առանց որոնց ան կը կորսնցնէ իր բուն իմաստը եւ կը դառնայ օդին մէջ երազելու ինքնախաբէութիւն:

Երան Կոյումջյան