Լրագրող Ոսկան Սարգսյանը ֆեյսբուքյան էջում գրել է․ «Հայաստանը բնապահպանական աղետալի վիճակում է, անընդհատ COP 17 են գովազդում.
Համացանցը լի է գովազդով, որ ավելի քան 2 ամիս հետո՝ հոկտեմբերի 19-30-ը Երևանում տեղի կունենա ՄԱԿ-ի Կենսաբազմազանության մասին կոնվենցիայի Կողմերի 17-րդ համաժողովը (COP17)։ Մի քանի օր առաջ Նուբարաշենի աղբանոցում աղբի զանգվածի տակ մահացավ երիտասարդ մի տղա, այդ աղբավայրում բարդակ է, Սյունիքի և Լոռու մետաղական հանքերի պոչամբարներն աղետալի վիճակում են, դրանք դանդաղ գործողության ականներ են, միջպետական ավտոճանապարհի եզրին գտնվող Դիլիջան համայնքի աղբավայրում գրեթե ամեն օր հրդեհներ են, ծանր հոտն ու ծուխն աղտոտում են գեղատեսիլ Աղստևի հովիտը։ Բնապահպանական մեծ համաժողովը գեղեցիկ ֆասադ է, որի հետևում Հայաստանի բնապահպանական չլուծված հիմնահարցերն են։ Նիկոլ Փաշինյանի իշխանությունը հիմնախնդիրները լուծելու փոխարեն շոուներ է անում, շոուն պետք է շարունակվի։ Այս անգամ՝ համաժողովի տեսքով»։