Երբ լուր տարածվեց, թե վարչապետ Հովիկ Աբրահամյանը իր փեսուն` Վահան Մամիկոնյանին, նշանակել է Շենգավիթ համայնքի Հարկայինի պետ, շատ շատերը դա մեկ բառով բնութագրեցին որպես խայտառակություն: 
«Հարվածից» դեռ ուշքի չեկած` պարզվեց, որ «Զվարթնոց» մաքսատան պետ էլ նշանակվել է Հովիկ Աբրահամյանի կրկին փեսա՝ Վովա Թամրազյանը:
Իհարկե, հայրենի կառավարությանն ամեն ինչ անում է խնամի-ծանոթ-բարեկամ գործոնը մինիմալի հասցնելու համար, որպեսզի համակարգում աշխատեն միայն պրոֆեսիոնալները, և հավասար պայմաններ ստեղծվեն բոլոր գործարարների համար: Այս նշանակումները դրա դրսևորումներից են:
Իսկ եթե լուրջ, ապա պարզվում է, երբ Հովիկ Աբրահամյանն ասում էր՝ սկսելու եմ իմ մոտիկներից, խոսքը վերաբերում էր մտերիմներին բարձր պաշտոնների տեղավորելուն: Փաստորեն, խիստ արդյունավետ է աշխատում: Մանավանդ սեփական ազգուտակի համար:
Սա արդեն խայտառակություն չէ, սա ձեռագիր է, գործիք, որով «ապտակում» են հասարակությանը, նվաստացնում պետությունը, թքած ունենում ժողովրդի կարծիքի ու խնդիրների վրա:

Արայիկ Արամյան