Վերջին ժամանակները՝ հատկապես վերջին հինգ տարվա ընթացքում, ԱՀԱՎՈՐ շատացել են իրավիճակները (համենայն դեպս իմ տեսադաշտում), երբ մարդկանց մոտ ակտիվացել է միմյանց հանդեպ չկամեցողության ու անհանդուրժողականության դրսևորումները: Ծանոթ թե անծանոթ բացասական իրավիճակները դարձել են մեր կենցաղի բաղկացուցիչ մասը: Չեմ բերի օրինակներ, քանի որ, շատերին գուցե չզարմացնի դա, քանի որ բոլորս ենք ապրում այս իրականության մեջ: Ուղղակի որպես մարդ, որպես ՀԱՅ մարդ, մեկ ցանկություն ունեմ միայն՝ տեսնել Հայաստանս մեկ օր լուսավոր, գունագեղ ու արևոտ: Թեպետ մեկ օր, բայց այդպիսին լինի բոլորի աչքերում: Այդժամ համոզված եմ, որ մեր սրտերում սառույցը կհալվի, և միմյանց հանդեպ ջերմությունն ու կարեկցանքը կտարածվի բոլորիս վրա, բարի մարդկանց բարությունը կհասկացվի, խռովված հոգով մարդիք էլ կբարիանան, անգամ մեր իշխանավորները կբարիանան: Համերաշխություն ու սեր Ձեզ հայրենակիցնե՛րս:
Հ.Գ. Ցանկանում եմ այս տեսանյութը ներկայացնել Ձեր ուշադրությանը: Դրամատիկ պահ, կարեկցանքով ու գուցե նաև տխրության նոտայով: ՀԱՅ ՄԱՐԴ, ԴՈւ ՄԱՐԴ ԼԻՆԵԼՈւՑ ԶԱՏ, ՀԱՅ ՄԱՐԴ ԵՍ, ԵՐԲԵՔ ՉՄՈՌԱՆԱՍ...
