ԱԺ հերթական նստաշրջանի աշխատանքների մեկնարկին այսօր «Լուսավոր Հայաստան» խմբակցության պատգամավոր Արման Բաբաջանյանն ԱԺ նախագահ Արարատ Միրզոյանին հիշեցրել է, որ ԱԺ-ի առաջ բողոքի ցույց են անում «Աջ ղեկ» նախաձեռնության անդամները: Արման Բաբաջանյանն ակնկալում է ԱԺ-ում հարցի հրատապ քննարկում:
Արարատ Միրզոյանը պատգամավորի բարձրաձայնած խնդրին արձագանքել է, որ պետք է հետեւել օրենքով սահմանված ընթացակարգերին:
«Օրենքի նախագիծը շրջանառության հերթական փուլում է, որի ավարտից հետո կսկսվի հաջորդ փուլը եւ կհայտնվի մեր քննարկման ներքո: Իհարկե, մենք այս հարցը կարեւորում ենք, ինչպես մյուս նախագծերը»:
Հիշեցնենք՝ Կառավարությունը հավանություն է տվել նախագծին, համաձայն որի՝ մինչև 2018թ. դեկտեմբերի 30-ը գնված աջ ղեկով ավտոմեքենաները կարելի է ՀՀ բերել մինչև այս տարվա մայիսի 1-ը:
