Ադրբեջանի իշխանական շրջանակներում նորից ակտիվացել է մեղադրելու և նվնվալու սեզոնը: Այս անգամ թիրախը կրկին միջազգային հանրությունն է, որը կրկին մեղադրվում է և Ադրբեջանի կարծիքը հաշվի չառնելու մեջ... Մասնավորապես, Ադրբեջանի Միլլի մեջլիսի փոխխոսնակ Բահար Մուրադովան բողոքել է, որ Եվրախորհրդարանի շատ անդամներ և գործիչներ այցելում են Ղարաբաղ և դրանից առաջ չեն հարցնում Ադրբեջանի թույլտվությունը... պատգամավոր Ռասիմ Մուսաբեկովն էլ խորհուրդ է տվել վերաֆորմատավորել Մինսկի խումբը...
Հարց է առաջանում, իսկ ինչի պետք է հարցնեն Ադրբեջանի թույլտվությունը, այն դեպքում, երբ կան մարդիկ, որոնք իրավունք ունեն չկիսելու Ղարաբաղյան հարցում Ադրբեջանի դիրքորոշումը, հետևաբար ազատորեն կարող են այցելել Արցախ, բացի այդ էլ արդեն մի տեսակ ձևական և անիմաստ է դարձել ադրբեջանցիների կազմած... Իսկ որն է Մինսկի խմբի վերաֆորմատավորելու իմաստը, եթե ադրբեջանական կողմը ինքն է ապակառուցողական՝ չհեռացնելով սահմանից դիպուկահարներին և չփորձելով որևէ կերպ հաշվի նստել հայկական կողմի առաջարկությունների հետ, ինչպես նաև հերոսացնելով հայ սպային նենգաբար կացնահարած Սաֆարովին...

Մուշեղ Խուդավերդյան