Բագրատ Սրբազանի Ամանորի և Սուրբ Ծննդյան ուղերձը․

«Այս գիշեր, երբ տարին կբոլորի իր շրջապտույտը յուրաքանչյուրը թող կանգնի մեկ վայրկյան լռության մեջ իր իսկ ապաշխարության, իր իսկ զղջումի, իր իսկ մեղքի հետ առերեսվելու և այդպես նաև ուխտ կնքելու, անմեղությամբ դիմավորելու անմեղության Իշխանին, հաշտության և խաղաղության Իշխանին, նորածին մեր Տիրոջը, ում ծննդյան ավետիսը մենք անընդհատ հնչեցնելու ենք հատկապես այս օրերի մեջ: Այսպիսով այդ խորհրդավոր գիշերը դարձնենք մեզ համար անցնող ամբողջ տարվա դժվարությունների, տառապանքի, ողբերգությունների, այդ ամբողջ իրադարձությունների միջից մեզ համար ինքնամաքրվելու մի մեծ առիթ»