▲ Դեպի վեր

lang.iso lang.iso lang.iso

Երկրաշարժ` Հայաստանում․ Ցնցումները գրանցվել են Գյումրիում, Լոռիում

Հայաստանի հյուսիսային ու հյուսիս արևմտյան հատվածներում բավականին ուժգին երկրաշարժ է տեղի ունեցել: Ցնցումները գրանցվել են Գյումրիում, Լոռիում:

Volcanodiscovery-ի նախնական տվյալներով՝ երկրաշարժի էպիկենտրոնը եղել է Թբիլիսիի մոտակայքում, մագնիտուդը՝ 4,6, ժամը՝ 23:35:

ՀՀ ԱԻՆ-ից  հայտնում են. մայիսի 1-ին, տեղական ժամանակով ժամը 23:35-ին (Գրինվիչի ժամանակով, ժամը` 19:35-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41.17⁰ և արևելյան երկայնության 43.96⁰ աշխարհագրական կոորդինատներով Վրաստան-Հայաստան սահմանային գոտի` Բավրա գյուղից 13 կմ հյուսիս-արևելք, օջախի 14 կմ խորությամբ, 4.6 մագնիտուդով երկրաշարժ:

Էպիկենտրոնային գոտում ստորգետնյա ցնցման ուժգնությունը կազմել է 6 բալ:

Երկրաշարժը զգացվել է Շիրակի և Լոռու մարզերում` 5 բալ, Տավուշի մարզում՝ 3-4 բալ, ինչպես նաև Երևանում, Կոտայքի և Արագածոտնի մարզերում՝ 3 բալ ուժգնությամբ:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Պատահարներ ավելին