Լրագրող Ոսկան Սարգսյանի գրառումը․

«Ո՞Վ Է ԿԱՆԳՆԱԾ ԴԵՆԴՐՈՊԱՐԿԻ ՏԱՐԱԾՔԸ ՁԻԱՐՇԱՎԱՐԱՆ ՍԱՐՔԵԼՈՒ ՆԱԽԱՁԵՌՆՈՒԹՅԱՆ ՀԵՏևՈՒՄ

Նիկոլի թիվն է, մարտնչող տգիտության հաղթահանդես։ Բնապահպանության նախարար Ռոմանոս Պետրոսյանն այդ նախարարության «Արգելոցապարկային համալիր» ՊՈԱԿ-ի տնօրենի պարտականությունները կատարող է նշանակել իր բարեկամ Արա Հակոբյանին, ով նախկինում եղել է Պռոշյանի գինու, կոնյակի գործարանի արտադրանքի Տավուշի մարզում առաքիչը։

Պատկերացնում ե՞ք՝ Հայաստանի դենդրոպարկերը և արգելոցները տնօրինում է գինու, կոնյակի առաքիչը։ Արա Հակոբյանը օգոստոսի 16-ին պաշտոնից ազատել է Իջևանի դենդրոպարկի երկարամյա տնօրեն, գիտնական Մեխակ Սայադյանին և դենդրոպարկի տնօրեն նշանակել դենդրոպարկի տեսուչի պաշտոնում նշանակված, այդ ծառայգու պահակ Վարդան Խաչինյանին, ով գրագետ չէ, չի կարող նման գիտագործնական հիմնարկ տնօրինել։
Բնապահպանության և ընդերքի տեսչական մարմնի Տավուշի տարածքային բաժինը Իջևանի դենդրոպարկում զննում կատարելով՝ այնտեղ երկարաժամկետ վարձակալությամբ տարածք զբաղեցնող, Մեխակ Սայադյանի ընտանիքին պատկանող «Կանաչ սիմֆոնիա» ՍՊԸ-ին տուգանել է 450 հազար դրամի չափով։ Նույն բաժինը դենդրոպարկի դիմաց, Աղստևի մյուս ափին բետոնե երկար պատ կառուցելու, 600 քառակուսի մետր հողատարածք ավերելու, անօրինական ջրթող համակարգ կառուցելու հետևանքով Իջևանի գինու, կոնյակի գործարանի պատճառած վնասը արձանագրել է ընդամենը 216 հազար դրամի չափով։
Իջևանի գինու կոնյակի գործարանը ցանկանում է դենդրոպարկի տարածքում ձիարշավարան գործարկել, վերցնել այդ տարածքը։ Մեխակ Սայադյանն ասում է, որ նախարար Ռոմանոս Պետրոսյանն արդեն մեկ տարի հալածում է իր ընտանիքին, որ տեղի ունեցողը քցոցի է, խլոցի։ Իջևանում ասում են, որ դենդրոպարկի տարածքը խլելը, այնտեղ ձիարշավարան գործարկելն ամենևին էլ Իջևանի գինու, կոնյակի գործարանի տնօրինության նախաձեռնությունը չէ, այլ՝ գինու, կոնյակի գործարանի հետևում կանգնած, Նիկոլ Փաշինյանի հետ սերտորեն կապված, մի օլիգարխի»։

Դիտեք նաև՝