Այս օրերին տրանսպորտի թանկացման հետ կապված աղմուկը կարծես ստվերում թողեց ևս մի շատ կարևոր ապրանքատեսակի՝ հացի չհիմնավորված թանկացման հանգամանքը: Չհիմնավորված լինելը կարող եմ բացատրել պարզ հաշվարկներով: Նախ այն հանգամանքը,որ այս տարի բերքի առատության շնորհիվ բորսաներում բավականին իջել է ցորենի գինը,բացի դա գրեթե բոլոր ընկերությունները գյուղացուց հացահատիկը լավագույն դեպքում մթերում են 140 դրամով(ամենաբարձրորակը):

Կոպիտ հաշվարկներով 50 կգ 1 պարկ ալյուրի ինքնարժեքը մաքսիմում կարող է հասնել 9000 դրամի, քանի որ մշակման արդյունքում ստացված թեփը,որը չի կազմում նույնիսկ 20%ը, 30 կգ պարկերով վաճառվում է 150 դրամ՝ավելի թանկ քան մթերվող բարձրորակ ցորենի գինը:այստեղից հարց,իսկ ինչու՞ է մեկ պարկ ալյուրի մեծածախ գինն անցնում 12000 դրամից:Տրանսպորտի պարագայում գծատերերն էին մեղավոր,իսկ այստե՞ղ ում մեղքն է...

Հարություն Մնացականյանի գրառումը

Ֆեյսբուք