Րաֆֆի Հովհաննիսյանը Կապանում հանրահավաքի ժամանակ հանդես է եկել  Սյունիքի մարզպետի հրաժարականի կոչով, ինչից հետո հավաքվածներին դիմել է մի կին, ով հայտարարել է, որ ոչ ոք իրավունք չունի պահանջել «հայրենիքի սահմանները պահպանած ազատամարտիկի» հրաժարականը։ Նրա այս հայտարարությունը ընդունվել է  սուլոցներով, հավաքվածները այս կոչը ակնհայտորեն գնահատում էին որպես սադրանք։ Սակայն Րաֆֆի Հովհաննիսյանին հաջողվել է  հանգստացնել հավաքվածներին, ասելով, որ յուրաքանչյուր ոք իրավունք ունի սեփական կարծիքն ունենալ: Այս մասին գրում է Ազատություն ռադիոկայանը: