«Սեւան» Ազգային պարկ» ՊՈԱԿ տնօրենն անձամբ հերքեց տարածված տեղեկատվությունն առ այն, որ իր ինքնազգացողությունը վատացել է Սեւանա լճի ջուրը խմելուց հետո: Այս մասին հայտնում է «Արմենպրես»-ը: «Ես լճի ջուրը երեկ խմել եմ տարբեր ափերից՝ համոզելու համար բոլորին, որ ջրիմուռների ակտիվացումը չի կարող լինել վարակիչ հիվանդությունների աղբյուր, վնասել մարդու առողջությանը:

Ընդ որում, լճի ջուրը խմել եմ մի քանի տեղերից, որտեղ ջրիմուռներով ծածկված մեծ զանգվածներ են նկատվել: Իմ ինքնազգացողության վատացման մասին լուրերն իրականությանը չեն համապատասխանում, քանի որ ես առհասարակ բժշկի չեմ դիմել, իսկ ինքնազգացողությունս թե երեկ, թե այսօր միանգամայն բավարար է»,-հավաստեց Վահե Գուլանյանը:

Առավել մանրամասն՝ սկզբնաղբյուր կայքում

Հիշեցնենք, որ այսօր մամուլում լուրեր էին տարածվել այն մասին, որ «Սեւան» ազգային պարկի տնօրեն Վահե Գուլանյանը հայտնվել է հիվանդանոցում այն բանից հետո, երբ նա հուլիսի 26- ին ցանկացել է ապացուցել, որ Սեւանի ջուրը վարակված չէ (ինչպես բնապահպաններն են ահազանգում), եւ մեկ բաժակ ջուր է փորձարկել Սեւանի ջրից: Ջուրը խմելուց մի քանի ժամ անց ազգային պարկի տնօրենը բուժօգնության համար դիմել է Սեւանի ԲԿ, սակայն խնդրել է, որ իր անունը չգրանցեն:

Կարդացեք նաև՝ Որպեսզի ապացուցի, որ Սևանա լճի ջուրը վտանգավոր չի, Ազգային պարկի տնօրենը խմում է լճի ջուրը

Սևանա լճում մոտ 10 օր կտևի այս պրոցեսը, հետո կկրկնվի օգոստոսին. բնապահպանության փոխնախարար