Հասարակական, քաղաքական գործիչ Սուրեն Սահակյանի ֆեյսբուքյան գրառումը․ «Ղարիբ Բաբայանի շուրջ երեկվա շոուն առաջինն էր, բայց դա զուտ նախերգանքն էր նրա, ինչ լինելու ա, եթե «Քաղաքացիական պայմանագիրը» շարունակի կառավարել Հայաստանը։
Ալիևի վարած «Արևմտյան Ադրբեջանի» քաղաքականության մեխը հենց դա ա։ Պարտադիր չի, որ էդ քաղաքականության շրջանակներում 300.000 ադրբեջանցի գա Հայաստանում ապրելու։ Բավարար ա 3 հոգի գա ու սկսի հայերին սադրել, որոնք էլ, մեր մեջ ասած, «հեչ չեն սիրում սադրվել»։ Դրանց նկատմամբ կիրառվող բռնությունը դառնալու ա կազուս բելլի՝ «Հայաստանում ճնշված, խեղճ ադրբեջանցի ժողովրդի պաշտպանության նպատակով» իրականացվող ռազմական ագրեսիայի առիթ։ Տենց ա Հիտլերը «պաշտպանել» Սուդեթի գերմանացիներին չեխերից, Դոնեցկի «ռուսներին պաշտպանության անհրաժեշտությունն» ա Պուտինը վկայաբերել Ուկրաինայի դեմ իրականացված հանցավոր ագրեսիան սկսելու համար։ ՔՊ-ի ու անձամբ Նիկոլի միակ քայլը լինելու ա ադրբեջանցիներին սարքել «սուրբ կով» ու դաժանորեն պատժել բոլոր նրանց, որոնք թարս կնայեն էդ ադրբեջանցիներին։ Ու տենց «Խաղաղության պայմանագիրը» դառնալու ա պատերազմի ու Հայաստանի չգոյության պայմանագիր։ ՔՊ-ն ու Նիկոլն արդե՛ն համաձայնել են դրան՝ «պատերազմ թույլ չտալու» հոգեթով թեզի տակ։ Հենց դրա՛ մասին ա «խաղաղության պայմանագիրը» Ալիևի համար։
2023թ-ի օգոստոսի 16-ից մինչև դեկտեմբերի 9 կոկորդներս պատռվեց Երևանի փողոցներում դրա մասին ահազանգելով։ Հիմնական ռեակցիան թերահավատությունն էր։ Երեկ առաջին անգամ բեմադրվեց նման մի սցենար, երբ ադրբեջանցիները «անշառ» սադրում են, իսկ փորձում են պատասխանատվության ենթարկել դա նկատող հային։ Բայց հանկարծ չշեղվեք։ Կարևորը՝ տրանսպորտը 100 դրամ լինի»։