«Քաղաքացիական պայմանագիր» խմբակցության պատգամավորը կեղծ տեղեկություներ է տարածում։ Խոսքը՝ Մարինա Ղազարյանի մասին է, ով ֆեյսբուքյան իր էջում գրառում է արել, իբր թե Հայաստանում նվազագույն աշխատավարձը հաջորդ տարվանից բարձրանալու է։
«ՀՀ կառավարությունն այսօր հաստատեց նախագիծը։ 2023 թվականի հունվարի 1-ից նվազագույն ամսական աշխատավարձի չափը կբարձրանա` 68.000 դրամից դառնալով 80.000 դրամ»,- գրել էր ՔՊ-ական պատգամավորը։
Մինչդեռ այս տեղեկատվությունը լկտի սուտ է, որը պաշտոնապես հերքեց նաև Աշխատանքի և սոցիալական հարցերի նախարարությունը։ Մանսավորապես նախարարի մամուլի խոսնակ Զառա Մանուչարյանը հայտնել է․
«Հարգելի՛գործընկերներ,
«Նվազագույն ամսական աշխատավարձի մասին» օրենքում փոփոխություններ չեն իրականացվել։ Կառավարությունն այսօրվա նիստում հավանություն է տվել ԵԶՐԱԿԱՑՈՒԹՅԱՆՆ այն մասին, որ գործող կարգավորումներն առայժմ մնան անփոփոխ (այսինքն՝ նվազագույն աշխատավարձի չափը պահպանել 68 հազար դրամ)»։
Ավելի ուշ ՔՊ-ական պատգամավորը հեռացրել է գրառումը, սակայն որեւէ կերպ ներողություն չի խնդրել սիրելի հայրենակիցներից կեղծ տեղեկություն տարածելու համար։
