Այսօր Կառավարության նիստից առաջ լրագրողները ՀՔԾ պետ Սասուն Խաչատրյանից հետաքրքրվեցին Ռոբերտ Քոչարյանի՝ այսօր սպասվող հարցաքննության մասին:

Խաչատրյանը նշեց, որ Ռոբերտ Քոչարյանի հարցաքննության տեսանկարահանումը որոշելու է վարույթն իրականացնող մարմինը: «Տեսագրությունը համարվում է քրեական գործի բաղկացուցիչ մասը: Եթե նույնիսկ տեսագրվի, ապա չի նշանակում, որ այն հանրայնացվելու է: Այն կցվելու է քրեական գործին: Այո, ունենք որոշում, որ տեսագրվի»,- ասաց նա:

Անդրադառնալով հարցին, թե ինչու՞ է գաղտնի պահվում Մարտի 1-ի գործով քննչական խմբի ներ ղեկավարի անունը: Խաչատրյանը պատասխանեց, որ գաղտնի չէ: «Մեր քննիչներից մեկն է: Անունը չի հրապարակվում ավելորդ ուշադրությունից զերծ պահելու համար»,- ասաց նա:

Հարցին՝ Քոչարյանն այսօր գալո՞ ւ է հարցաքննության, ՀՔԾ պետքը չպատասխանեց: Նա նաև չնշեց, թե ով է 2-րդ նախագահին հարցաքննելու: 

Նշենք, որ Հարցաքննությունը տեղի է ունենալու 12:00-ին:

Հիշեցնենք, որ վարչապետ Նիկոլ Փաշինյանը Ռոբերտ Քոչարյանին ձերբակալելու մասին հարցին պատասխանել էր իր ֆեյսբուքյան ասուլիսի ժամանակ ՝ նշելով , որ չի կարող ձևակերպել խնդիր, որ ինչ որ մեկը պետք է հայտնվի ճաղերի հետևում, բայց հստակ ձևակերպումէ խնդիր, որ բոլոր նրանք, ովքեր թույլ են տվել իշխանության չարաշահում, հանցանքներ, իշխանության գործադրմամբ հարստացել են, կոռուպցիայի մեջ ներքաշված են եղել՝ նրանք պետք է չաղերի ետևում հայտնվեն:

Կարդացեք նաև՝ Ցուցմունք՝ ընդդեմ Ռոբերտ Քոչարյանի

Բանակային ստորաբաժանումները մարտի 1-ին զենք չեն կիրառել, բախում չի եղել. Ռոբերտ Քոչարյան

ՀՔԾ-ն՝ Ռոբերտ Քոչարյանին ուղղված ծանուցման մասին

Կոռուպցիա իրականացնողները կհայտնվեն ճաղերի հետևում. Փաշինյանը՝ Քոչարյանի ձերբակալման մասին