Armtimes.com-ի ունեցած տեղեկությունների համաձայն, անցած տարվա վերջին կամ այս տարվա սկզբին Դավիթ Շահնազարյանը եւ Սերժ Սարգսյանը նախնական պայմանավորվածություն են ունեցել, որ Շահնազարյանը ստանձնելու է ԱՄՆ-ում ՀՀ դեսպանի պաշտոնը:
Դա պետք է տեղի ունենար Սերժ Սարգսյանի կողմից այս տարվա ապրիլին ՀՀ վարչապետի պաշտոնը ստանձնելուց հետո: Սակայն Հայաստանում տեղի ունեցած հեղափոխության արդյունքում այդ պայմանավորվածությունը չի իրականացվել:
Դավիթ Շահնազարյանը 1994-1995 թվականներին եղել է ՀՀ ազգային անվտանգության պետական վարչության պետի պաշտոնակատարը: Նրանից անմիջապես հետո Ազգային անվտանգության պետական վարչության պետի պաշտոնում նշանակվել է Սերժ Սարգսյանը:
