ԱԻՄ նախագահ Պարույր Հայրիկյանը կառավարության մոտ բողոքի ակցիա էր իրականացնում, բայց ոչ թե կառավարության դեմ, այլ ընտրություններին մասնակցող այլ ուժերին կոչ անելու համար։
Այս ցույցը կառավարության դեմ չէ, որովհետև իրենց հարցը պարզ է, իրենք օրինախախտ են, հայտարարեց նա։
«Մենք այստեղ ենք, որ ընտրությունների գնացող քաղաքական ուժերին հարազատի պես ասենք` սիրելի հանճարներ, դուք կուսակցությունների մասին սահմանադրական օրենքի խախտման պայմաններում գնու՞մ եք կուսակցությունների ընտրությունների։ Ասում եք` ընտրությունների գնալու ենք, եթե խախտումներ լինեն, հետո դրանց դեմ կպայքարենք, բայց այսօր արդեն օրենքը խախտում են, գետնով են տվել»,–ասաց Հայրիկյանը։
