Արդեն տեղեկացրել ենք, որ համացանցում «Մեր Հայրենիք»-ը երգելու ֆլեշմոբ էր սկսվել. Ապրես Զոհաբյանը երգել էր հիմնի քառյակն ու ԱԺ պատգամավոր Վահագն Թևոսյանին առաջարկել շարունակել:
Ավելի ուշ՝ Վահագն Թևոսյանը տեսանյութ է տարածել ֆեյսբուքյան իր էջում ու գրել.
«Իմ հին ու լավ բարեկամ Ապրես Զոհրաբյանը սկսել է ՀՀ օրհներգի կատարման ֆլեշմոբ, երգել է առաջին քառյակն ու ինձ փոխանցել երկրորդ քառյակը երգելու մարտահրավերը: Կատարում եմ ֆլեշմոբի չգրված կանոնները, բայցև փակում եմ շրջանը՝ օրակարգի անարդիականութան հիմնավորմամբ: Երրորդ քառյակը կատարելու համար ոչ ոքի մարտահրավեր չեմ նետում, բայց եթե կարծում եք կա անհրաժեշտություն՝ ցանկացած սա դիտող կարող է ստանձնել մարտահրավերը: Շնորհակալություն:)»:
Հիշեցնենք, որ համացանցում վերջին շաբաթվա ընթացքում բուռն քննարկման թեմա էր դարձել Ազգային ժողովի փոխնախագահ Ալեն Սիմոնյանի՝ ՀՀ օրհներգը փոխելու առաջարկը։
