Կառավարության նիստում ՀՀ ոստիկանապետ Վալերիյ Օսիպյանը ներկայացրեց կառավարության որոշումներից մեկում փոփոխություններ կատարելու հարցը, որը վերաբերում էր երթևեկության կանոններին, և կատարվեցին մի քանի փոփոխություններ։
Մասնավորապես,
– կթույլատրվի հետիոտնային անցումներից հետո՝ 5 մետրից մոտ, ինչպես նաև ընդհանուր օգտագործման տրանսպորտային միջոցների կանգառի կետերի տարածքից 15 մետրից մոտ կանգառը, այսինքն՝ կարգելվի միայն մինչև հետիոտնային անցում՝ 5 մետրից մոտ, ինչպես նաև ընդհանուր օգտագործման տրանսպորտային միջոցների կանգառի կետերի տարածքում կանգառ կատարելը.
– շրջանաձև երթևեկությամբ խաչմերուկում երթևեկության առավելությունը կտրվի խաչմերուկում գտնվող տրանսպորտային միջոցի վարորդին,
– մինչև 7 և 7-ից մինչև 12 տարեկան երեխաների փոխադրման համար, տարիքային առանձնահատկությամբ պայմանավորված, կսահմանվեն առանձին պահանջներ.
– ճանապարհային աշխատանքների կատարման վայրում, ինչպես նաև այլ դեպքերում օգտագործվող ժամանակավոր ճանապարհային նշանների համար կսահմանվեն առանձին պահանջներ, մասնավորապես՝ դրանց վրա սպիտակ հիմնագույնի փոխարեն կկիրառվի դեղին հիմնագույնը.
– խաչմերուկի տարածքը ցույց տալու համար կսահմանվի առանձին գծանշում։
Կարդացեք նաև՝ «Քարսիթը» դարձավ պարտադիր. Կառավարությունը որոշում ընդունեց
Կառավարության նիստն ամբողջությամբ՝ տեսանյութում
