asekose.am - «Օտար գործակալին հայ մի՛ ըսեք, մեղք է»․ Էդգար Էլբակյան

«Օտար գործակալին հայ մի՛ ըսեք, մեղք է»․ Էդգար Էլբակյան

2021-12-15 09:55:00

Քաղաքագետ Էդգար Էլբակյանի գրառումը․ «ՕՏԱՐ ԳՈՐԾԱԿԱԼԻՆ ՀԱՅ ՄԻ՛ ԸՍԵՔ, ՄԵՂՔ Է
• ԱՄՆ հատուկ ծառայությունների գործակալի վերջին հարցազրույցի շուրջ առաջացած աղմուկը ևս մեկ անգամ մատնացույց է անում մեր քաղաքական թերագիտությունը և ազգային հարցերի շուրջ տակավին էթնիկ մտածողության գերակայությունը, որով ամեն «-յան»-ով վերջացող ազգանվամբ մարդու հայ ենք համարում, և երբ վերջինս հակաՀայաստանյան բան է ասում, զարմանում ենք։

• Սիրելինե՛րս, երբ Ալիևն ասում է, որ Երևանն Ադրբեջան է, չե՞ք զարմանում, չէ՞։ Բա ինչո՞ւ եք ԱՄՆ հատուկ ծառայությունների գործակալի ասածի վրա զարմանում։ Մարդն իր պետության շահերն է առաջ տանում։ Մեկընդմիշտ պետք է հիշենք, որ կայսրությունների գործելաոճն է այդ՝ տվյալ երկրի ուղղությամբ աշխատելու համար ընտրել ծագումով այդ երկրի հետ առնչություն ունեցողների․ այդպես ավելի էժան է ու օպտիմալ։ Նույնն են անում նաև իրենց մոտ ապաստանած հակաայաթոլայական պարսիկների, հակաասադական արաբների և հակապուտինյան ռուսների հետ։
• Եվ ի վերջո, գրողը տանի, մոռացե՞լ եք, որ 1915 թ․ ապրիլի 24-ի մտավորականների ցուցակը ծագումով հայ է կազմել։ Չեմ ասում՝ թեթև տարեք, բայց նորմալ տարեք»։

The thoughts and views expressed on the website may not coincide with the views of the Asekose.am editorial team.

«Օտար գործակալին հայ մի՛ ըսեք, մեղք է»․ Էդգար Էլբակյան

Հասարակություն more