ՀՀ ԱԻՆ Հիդրոմետ ծառայության օդերևութաբանության կենտրոնի պետ Գագիկ Սուրենյանը ֆեյսբուքյան իր էջում գրում է.

«Օգոստոս ամսին հանրապետության տարածքում օդի ամսական միջին ջերմաստիճանը կանխատեսվում է նորմայից բարձր 1 աստիճանով, տեղումների քանակը կլինի նորմայի սահմաններում։

Եթե հուլիս ամսին հանրապետության ամենաշոգ հատվածներում(Արարատ, Արմավիր, Երևան) +40․․․+42 աստիճան գրանցվել է մոտ 14-15օր, ապա օգոստոս ամսին ըստ կանխատեսումների հանրապետության ամենաշոգ վայրերում +40․․․+41 աստիճան սպասվում է ընդամենը 2-3 օր»։

Հիշեցնենք, որ ավելի վաղ  Գագիկ Սուրենյանը տեղեկացրել էր, որ օգոստոսի 3-4-ին սառը օդը կներխուժի հանրապետության ողջ տարածք և օդի ջերմաստիճանը բոլոր մարզերում կնվազի 7-8 աստիճանով:

Կարդացեք նաև՝ Դուք ինձ հիմա նենց հարցեր եք տալիս, որ եթե ես դա ասեմ…. Գագիկ Սուրենյան